Plean Náisiúnta Fuíolluisce agus Draenála

Cuir do thuairimí in iúl

Tá ár gcéad phlean straitéiseach náisiúnta á fhorbairt againn do chórais fuíolluisce phoiblí uile. Tríd an bPlean Náisiúnta Fuíolluisce agus Draenála (PNFUD) cuirfear creat fianaisebhunaithe, fadtéarma ar fail a bheidh comhsheasmhach ar bhonn náisiúnta chun tuiscint a fháil ar fheidhmíocht reatha, rioscaí amach anseo a mheasúnú agus riachtanais phleanála agus infheistíochta sa todhchaí a shainaithint go dtí 2055. 

View consultation documents

  • Osclófar an comhairliúchán: 22 Deireadh Fómhair 2026 ag 9:00rn
  • Dúnfar an comhairliúchán: 17 Nollaig 2026 ag Meán Oíche
Aighneacht a chur isteach Aighneacht a chur isteach - opens in a new tab

An méid a bhfuilimid ag dul i gcomhairle ina leith

Seo an chéad chéim fhoirmiúil den chomhairliúchán poiblí maidir leis an PNFUD.

Tá do chuid tuairimí á lorg againn maidir leis na nithe a leanas:

  • na dúshláin, na deiseanna agus na treochtaí sa todhchaí a rachadh i bhfeidhm ar an bPlean;
  • an cur chuige molta le haghaidh an PNFUD a fhorbairt;
  • na Táscairí feidhmíochta atá molta;
  • raon feidhme agus modheolaíocht na Measúnachta Straitéisí Timpeallachta; agus
  • conas ba cheart d’Uisce Éireann cumarsáid agus teagmháil a dhéanamh de réir mar a fhorbrófar an Plean.

Tá aiseolas á lorg againn freisin faoi raon feidhme beartaithe na Measúnachta Straitéiseach Timpeallachta (MST), rud a thabharfaidh deis do dhaoine tionchar a bheith acu ar an gcaoi a ndéantar seirbhísí fuíolluisce a phleanáil agus a sholáthar amach anseo.

Leis an aiseolas, déanfar eolas d’ullmhú an Dréachtphlean Náisiúnta Fuíolluisce agus Draenála agus do na measúnachtaí timpeallachta a ghabhann leis.

Féach ar ár leathanach comhairliúcháin chun tuilleadh eolais a fháil faoin dóigh le haighneacht a dhéanamh.

Cuir do Thuairimí in Iúl Cuir do Thuairimí in Iúl - opens in a new tab

Forbhreathnú ar an Tionscadal

Leis an PNFUD, bunófar na boinn straitéiseacha le haghaidh pleanáil fuíolluisce sa tréimhse go dtí 2055.

An chéad phlean náisiúnta

Is ionann an PNFUD agus an chéad phlean de chuid Uisce Éireann do chórais fuíolluisce phoiblí uile, trína mbunaítear cur chuige comhsheasmhach, fianaisebhunaithe agus oiriúnaitheach le haghaidh feidhmíocht reatha, riosca amach anseo, agus riachtanais infheistíochta agus phleanála sa todhchaí a mheasúnú suas go dtí 2055.

Brúnna ar chórais fuíolluisce

Tá brú atá ag méadú á chur ar chórais fuíolluisce agus draenála na hÉireann mar gheall ar fhás an daonra, soláthar tithíochta, forbairt eacnamaíoch, athrú aeráide, riachtanais chomhshaoil atá ag fabhrú agus iompraíocht custaiméirí atá ag athrú.

Táscairí feidhmíochta

Leis an PNFUD, díreofar ar an dóigh a ndéantar cinntí seachas ar liosta réamhshocraithe tionscadal. Bunófar na Táscairí Feidhmíochta leis mar aon leis na próisis mheasúnaithe a úsáidtear chun tuiscint a fháil ar fheidhmíocht, ar riosca agus ar riachtanais faoi láthair na huaire agus amach anseo.

Comhoibriú

Toisc go dtéann córais atá lasmuigh den bhonneagar fuíolluisce phoiblí i bhfeidhm ar fheidhmíocht fuíolluisce - lena n-áirítear uisce dromchla, rith chun srutha uirbeach, tuilte agus uiscí glactha - tá an PNFUD á fhorbairt i gcomhar leis na grúpaí a leanas: údaráis áitiúla, rialálaithe, ranna Rialtais, comhlachtaí poiblí, soláthraithe bonneagair, grúpaí pobail agus páirtithe leasmhara eile.

Bonn straitéiseach

Tríd an PNFUD cuirfear bonn straitéiseach agus bonn fianaise fadtéarma ar fáil chun eolas a dhéanamh do phleanáil infheistíochta caipitiúla amach anseo agus do chláir sa todhchaí, agus ag an am céanna ag ligean d’athbhreithniú agus do nuashonrú an Phlean de réir mar a athróidh fianaise, beartas, reachtaíocht agus dálaí amach anseo.

Seo a leanas an méid atá sa PNFUD:

Icon

Plean straitéiseach 25 bliana do chórais fuíolluisce phoiblí na hÉireann.

Icon

Modheolaíocht in-athdhéanta le haghaidh feidhmíocht reatha, agus riosca, riachtanas agus deis amach anseo a mheasúnú.

Icon

Creat atá tógtha thart ar Tháscairí Feidhmíochta molta, ar shonraí, ar mheasúnú riosca agus ar roghnóireacht gan srian.

Icon

Creat straitéiseach um roghanna agus Luach is Fearr lena mbreithnítear costas na saolré, carbón, ceanglais reachtúla agus freagrachtaí.

Icon

Cur chuige pleanála comhtháite lena n-aithnítear córais chomhroinnte agus comhfhreagrachtaí.

Icon

Bonn ar mhaithe le pleanáil amach anseo, cláir agus timthriallta infheistíochta caipitiúla.

Icon

Plean atá treoraithe ag comhairliúchán agus ag rannpháirteachas leanúnach le páirtithe leasmhara ar fud na hÉireann.

Doiciméid an chomhairliúcháin agus foilseacháin (Nasc le doiciméid)

Is féidir féachaint ar dhoiciméid an chomhairliúcháin agus iad a íoslódáil:

Déan teagmháil le foireann PNFUD

Maidir le ceisteanna faoin PNFUD nó faoin gcomhairliúchán seo:

Ríomhphost: nwwdp@water.ie

Post: Plean Náisiúnta Fuíolluisce agus Draenála, Uisce Éireann, Bosca Oifig Phoist 860, Oifig Sheachadta Dheisceart na Cathrach, Cathair Chorcaí

Ar líne: Tairseach an chomhairliúcháin: www.consult.water.ie