Glanfhiachas agus sreafaí airgid

Ba é an suíomh glanfhiachais ar 31 Nollaig 2024 ná €597 milliún (iomlán na n-iasachtaí agus fiacha eile de €1,013 milliún, lúide airgead tirim agus coibhéisí airgid thirim de €417 milliún), i gcomparáid le €534 milliún sa bhliain roimhe sin.

In 2024, chomhlíon an maoiniú ranníocaíochta caipitiúil de €572 milliún a fuarthas ón Rialtas na ceanglais maidir le maoiniú infheistíochta caipitil (€1,293 milliún i dtéarmaí eisíocaíochta airgid thirim), rud a d'fhág go raibh ceanglas maoinithe infheistíochta caipitil iarmharach de €721 milliún ann. Úsáideadh an glanmhéadú airgid ó iasachtaí agus fiacha eile de €180m, mar aon le sreafaí airgid oibriúcháin dearfacha de €598 milliún, chun an riachtanas maoinithe caipitil iarmharach seo a chomhlíonadh.

Baineann glan-insreabhadh airgid eile de €65 milliún go príomha le glanghluaiseacht airgid de €63 milliún maidir le comhthaobhacht tríú páirtí. Mar thoradh ar chinneadh clár oibre IFRS, ar ghlac Uisce Éireann leis sa bhliain 2022, cuirtear comhthaobhacht tríú páirtí i láthair mar airgead mura sealbhaítear í ar théarmaí taisce níos faide ná 3 mhí, agus sa chás sin cuirtear i láthair í mar shócmhainn airgeadais (féach nóta 1 de na Ráitis Airgeadais). Is féidir an ghlanghluaiseacht airgid €63 milliún seo a anailísiú mar insreabhadh airgid €31milliún mar gheall ar chomhthaobhacht mhéadaithe a choinnítear ag deireadh na bliana mar aon le €32 milliún á chur ar théarmaí taisce níos lú ná 3 mhí, agus mar sin cuirtear i láthair é mar airgead tirim agus coibhéisí airgid thirim seachas mar shócmhainn airgeadais.

Bhí de thoradh air seo go raibh iarmhéid deiridh agus coibhéisí airgid thirim de €417 milliún ann ag deireadh an bliana.

Acmhainní caipitil

Ar an 31 Nollaig 2024 bhí na nithe seo a leanas i seilbh Uisce Éireann;

• iomlán na n-iasachtaí tarraingthe de €999 milliún (gan dliteanais léasa de €15 milliún san áireamh),
• saoráid caipitil oibre €350 milliún neamhtharraingthe Ghníomhaireacht Bainistíochta an Chisteáin Náisiúnta (NTMA), agus
• €417 milliún d'airgead tirim agus coibhéisí airgid thirim.

Amhail an 31 Nollaig 2024, tá €999 milliún de shaoráidí iasachta Stáit curtha ar fáil ag an Aire Airgeadais le haghaidh caiteachais chaipitiúil atá curtha i leith na hearnála neamhthí, ar tarraingíodh anuas €184 milliún de in 2024 agus léiríonn sé an tsaoráid deiridh atá ar fáil faoin gcomhaontú saoráidí.

Gheall Uisce Éireann go bhféachfar chuige nach mbeidh an tsaoráid caipitil oibre de chuid Ghníomhaireacht Bainistíochta an Chisteáin Náisiúnta tarraingthe ar an 31 Nollaig gach bliain féilire, ach amháin má fhaigheann Uisce Éireann cead ón Aire roimh ré leas a bhaint as an tsaoráid. Tá saoráid rótharraingthe neamhbhuan €10 milliún ag Uisce Éireann chun cabhair a thabhairt lena riachtanais bhainc laethúla a bhainistiú.

I mBuiséad 2025 an Rialtais, fógraíodh go gcuirfeadh an tAire Airgeadais €1 billiún ar fáil chun tacú leis an infheistíocht chaipitil a chuimsítear sa Phlean Maoinithe Straitéiseach 2025-2029 ceadaíodh. Chuirfí €300 milliún ar fáil in 2025 chun infheistíocht chaipitil intíre a mhaoiniú, agus soláthraíodh €700 milliún chun infheistíocht chaipitil neamhthí a mhaoiniú thar an tréimhse 2025-2027, agus cuirfear €214m de ar fáil in 2025.

Ar an 31 Nollaig 2024, ba é an meánráta úis ualaithe ar phunann iasachtaí gan íoc na Cuideachta ná 1.83% (2023: 1.53%) agus ba é meánaibíocht a cuid fiachais ná 7.61 bliain (2023: 8.09 bliain).

Rialachas cisteáin

Is é an Bord atá freagrach as an ngníomhaíocht ciste agus a feidhmíocht, agus comhlíonann sé an fhreagracht sin trí hathbhreithniú rialta. Déanann an Coiste Iniúchóireachta agus Riosca maoirsiú ar an timpeallacht riosca agus rialaithe thar ceann an Bhoird. Chomhlíon Uisce Éireann ceanglais agus coinníollacha an Aire Airgeadais faoin Acht um Idirbhearta Airgeadais Cuideachtaí Áirithe agus Comhlachtaí Eile, 1992. Ní oibrítear feidhm chisteáin Uisce Éireann mar ionad brabúis agus déantar bainistíocht ar staideanna cisteáin ar bhealach atá drogallach roimh rioscaí. Tá cúis bhailí bhunúsach ghnó taobh thiar de gach idirbheart cisteáin agus tá diantoirmeasc ar sheasaimh amhantracha. Tá sonraí breise ar ár mbeartais bainistíochta riosca airgeadais um rialachas cisteáin leagtha amach i nóta 22 sna Ráitis Airgeadais.