Is éard atá i gceist le rannpháirtíocht na bpáirtithe leasmhara an próiseas trína ndéanaimid teagmháil go gníomhach lenár gcuid custaiméirí agus lenár bpáirtithe leasmhara ar bhealach atá oscailte, trédhearcach agus fiúntach. Tugaimid tosaíocht do ról ríthábhachtach ár bpáirtithe leasmhara agus oibrímid i ndlúthpháirt leo chun aghaidh a thabhairt ar a gcuid riachtanas agus ionchas. Chomh maith leis sin, lorgaímid aiseolas go gníomhach ónár bpáirtithe leasmhara chun tuiscint a fháil ar cé chomh maith agus atáimid ag comhlíonadh na n-ionchas sin.
Príomhchaidreamh
Fostaithe
Tosaíochtaí
Sábháilteacht
Feidhmíocht Eagraíochtúil
Éagsúlacht, Cothromas agus Cuimsiú
Folláine
Cur Síos
I rith na bliana, tugaimid faoi ghníomhaíochtaí rialta rannpháirtíochta agus folláine na bhfostaithe.
Cuirimid cultúr sábháilteachta dearfach agus réamhghníomhach bunaithe ar iompraíocht chun cinn, rud a threisíonn ár gcultúr ‘Obair Shábháilte, Baile Sábháilte’ go bhfuil an ceart againn go léir oibriú agus dul abhaile go sábháilte’.
Aithníonn Uisce Éireann an tábhacht a bhaineann le comhionannas, éagsúlacht agus cuimsitheacht i measc ár lucht saothair. Tá ár gComhairle um Éagsúlacht, Cothromas agus Cuimsiú comhdhéanta d’ionadaithe fostaithe.
Tá caidreamh cothaithe ag Uisce Éireann le ceardchumainn tríd an struchtúr inmheánach atá againn sa Ghrúpa Ceardchumann agus trí Ghrúpa Comhairleach Uisce Éireann maidir le foireann Seirbhísí Uisce na nÚdarás Áitiúil a aistriú faoi Chreat an Choimisiúin um Chaidreamh san Ionad Oibre (WRC) maidir le Seirbhísí Uisce a Sholáthar Amach Anseo.
Custaiméirí agus Pobail
Tosaíochtaí
Seirbhísí éifeachtacha a dhírítear ar chustaiméirí
Seirbhísí uisce atá slán sábháilte
An comhshaol a chosaint
Cur Síos
Is iad ár gcuid custaiméirí agus ár bpobail na páirtithe leasmhara is tábhachtaí atá againn. Bíonn rannpháirtíocht ar bun gach lá trínár gcuid bealaí custaiméirí agus soláthraímid comhairliúchán poiblí, feachtais eolais phoiblí agus bainistímid teagmhais agus cur isteach trí sheirbhís teachtaireachtaí téacs, rannpháirtíocht leis na meáin chumarsáide, na meáin dhigiteacha agus shóisialta, imeachtaí oscailte, fógraíocht agus cruinnithe duine le duine nó fíorúla. Soláthraímid ionad teagmhála custaiméirí 24/7.
Ionadaithe Tofa
Tosaíochtaí
Seirbhísí uisce atá slán sábháilte
Múscailt feasachta maidir le hathléimneacht seirbhísí uisce
Tacaíocht d’infheistíocht leanúnach chun tacú le forbairt eacnamaíoch
Cur Síos
Cuireadh tús lenár seirbhís teagmhála d’ionadaithe tofa in 2014 agus le 10 mbliana anuas tá freagra tugtha againn ar os cionn 100,000 fiosrú a fuarthas go díreach ó os cionn 1,100 ionadaí tofa. Faigheann siad nuashonruithe leanúnacha freisin maidir le saincheisteanna áitiúla agus saincheisteanna níos leithne trí phreaseisiúintí, na meáin shóisialta, ár suíomh gréasáin, foirne cumarsáide réigiúnacha, ár bhfoireann gnóthaí poiblí, foirne oibríochtaí réigiúnacha agus clinicí comhairleoirí. Bímid i dteagmháil dhíreach leis an Oireachtas maidir le saincheisteanna straitéiseacha seirbhísí uisce trí fhreastal ar éisteachtaí coiste rialta.
Scairshealbhóirí agus Rialtóirí
Tosaíochtaí
Cur chun feidhme bheartas an rialtais
Oibríochtaí éifeachtacha agus comhlíontacha
Cur Síos
Bíonn caidreamh leanúnach againn leis an Roinn Tithíochta, Rialtais Áitiúil agus Oidhreachta (RTRÁO) i ndáil le maoiniú, soláthar seirbhísí uisce poiblí agus cur chun feidhme bheartas an rialtais.
Is é an Coimisiún um Rialáil Fóntais (CRF) ár rialtóir eacnamaíoch agus is é an Ghníomhaireacht um Chaomhnú an Chomhshaoil (GCC) ár Rialtóir Comhshaoil. Bímid ag plé go díreach leis an dá rialtóir agus tuairiscímid chucu ar ár bhfeidhmíocht agus ar chomhlíonadh na reachtaíochta ar rialú praghsanna agus ar an gcomhshaol.
Comhpháirtithe Soláthair Seirbhíse
Tosaíochtaí
Sábháilteacht
Luach ar airgead
Inbhuanaitheacht laistigh den slabhra luacha
Cur Síos
Oibríonn Uisce Éireann go dlúth le conraitheoirí agus tríú páirtithe a sholáthraíonn seirbhísí tacaíochta dúinn chun an soláthar éifeachtach agus éifeachtúil d’infheistíocht shuntasach chaipitiúil a chinntiú agus déanann siad maoirseacht ar oibríochtaí laethúla an fhóntais náisiúnta uisce chun buntáistí a sholáthar dár gcustaiméirí, don gheilleagar agus don chomhshaol.
Grúpaí Ionadaíocha Foirmiúla na bPáirtithe Leasmhara
Tosaíochtaí
Cáilíocht acmhainní uisce agus cinnteacht an tsoláthair
Tionchair ar an gcomhshaol
Cur Síos
Oibríonn Uisce Éireann le réimse leathan de ghrúpaí foirmiúla ionadaíocha na bpáirtithe leasmhara, amhail Cónaidhm Thionscal na Foirgníochta agus Feirmeoirí Aontaithe na hÉireann, chun nuashonruithe a thabhairt maidir lenár bpleananna, bonn eolais a chur faoi chinnteoireacht dhá bhealach, cultúr trédhearcachta agus idirphlé a fhorbairt ar théamaí sonracha, agus mionteagasc ábhartha saineolaithe a sholáthar.
Cainéal tábhachtach cumarsáide lenár gcustaiméirí agus lenár bpáirtithe leasmhara atá sna meáin chumarsáide, go háirithe sna cásanna seo a leanas: cur isteach ar sheirbhís nó fadhbanna le caighdeán an uisce, nó nuair a bhíonn tionchar ar phobal mar gheall ar thionscadail nó uasghrádaithe bonneagair.
Grúpaí Ionadaíocha Gnó
Tosaíochtaí
Múscailt feasachta maidir le hathléimneacht seirbhísí uisce
Tacaíocht d’infheistíocht leanúnach chun tacú le forbairt eacnamaíoch
Cur Síos
Oibríonn Uisce Éireann le Grúpaí Ionadaíocha Gnó lena n-áirítear IBEC, Comhlachas Tráchtála na hÉireann agus Cumann Tráchtála Mheiriceá chun feasacht agus tuiscint a mhéadú maidir leis an tábhacht a bhaineann le soláthairtí uisce athléimneacha d’fhorbairt eacnamaíoch inbhuanaithe, chomh maith lena chinntiú go dtabharfar tús áite dó sin ina mbeartais agus ina bhfeachtais.
Conas a bhímid rannpháirteach
Déanann Uisce Éireann teagmháil le páirtithe leasmhara trí chomhairliúchán poiblí maidir lenár gcuid tionscadal agus pleananna bonneagair. Táimid tiomanta do chumarsáid dhá bhealach leanúnach agus freagrúil a dhéanamh, ag gach céim den phróiseas comhairliúcháin, chun a chinntiú go bhfuil an t-eolas inrochtana, luachmhar, trédhearcach agus freagrúil le haghaidh gach páirtí leasmhar. Ní bhaineann plé le páirtithe leasmhara le comhairliúchán reachtúil amháin agus is féidir é a chatagóiriú go leathan thar raon catagóirí. Úsáideann Uisce Éireann ardáin chianda amhail ár suíomh gréasáin agus cainéil ar líne mar aon leis na meáin, cruinnithe aghaidh ar aghaidh, imeachtaí faisnéise agus cumarsáid inmheánach chun oibriú lenár bpáirtithe leasmhara.